Энэхүү тасалбарыг худалдаж авах нь дараах нөхцөлийг хүлээн зөвшөөрөхийг хэлнэ. Үүнд:

1. Тасалбарыг худалдаж авсны дараа зөвхөн зохион байгуулагчаас шалтгаалан наадам цуцлагдсан тохиолдолд тасалбарыг дараа жил рүү шилжүүлэх эсвэл худалдаж авсан үнээр нь буцаах боломжтой. Энэхүү тохиолдолд зохион байгуулагчийн тогтоосон хэлбэрээр нөхөн олговрыг 60 хоногоос хэтрэхгүй хугацаанд төлүүлэх эрхтэй. Буцаан олголтыг тасалбарын нөхцөлд заасан тохиолдол, зохион байгуулагчийн тогтоосон хэлбэрээс бусад тохиолдолд хэрэгсэхгүй болно.
2. Давагдашгүй хүчин зүйлийн улмаас наадам цуцлагдсан тохиолдолд тасалбарын төлбөрийг буцааж олгохгүй бөгөөд тасалбарыг дараа жил рүү шилжүүлнэ. Давагдашгүй хүчин зүйл гэдэг нь Монгол улсын хууль, эрх зүйд зааснаар дараах хүчин зүйлсийг хэлнэ; байгалийн гамшиг, газар хөдлөлт, үер, дайн, бослого, гал түймэр, дэлбэрэлт, онцгой байдал, осол, урьдчилан таамаглах боломжгүй саатал, төрийн үйлчилгээ эсвэл захиргааны байгууллагын үйл ажиллагаа орхигдсон байдал, хорлон сүйтгэх ажиллагаа, төр засгийн зүгээс хориг тавих, бусад ямар нэгэн осол зэрэг нөхцөл байдал, түүнчлэн зохион байгуулагчдын хүсэл зоригоос үл хамааран наадмыг бүхэлд нь буюу хэсэгчлэн гүйцэтгэхэд саад болохуйц урьдчилан таамаглах боломжгүй, даван туулах боломжгүй бүхий л үйл явдлыг хэлнэ.
3. Албан ёсны борлуулалтын цэгээс цахим тасалбар худалдаж аваагүй тохиолдолд наадмын зүгээс тасалбарын жинхэнэ эсэхийг баталгаажуулахгүй, хариуцлага хүлээхгүй болно. Тасалбар эзэмшигч нь өөрийн хариуцлагагүйн улмаас цахим тасалбарын нууцлалаа алдсан тохиолдолд зохион байгуулагчид хариуцлага хүлээхгүй. Тасалбарыг зөвхөн QR кодоор нь баталгаажуулж, баталгаажуулсан эхний тасалбар хүчинтэй. Дараа нь уншуулсан ижил QR кодтой тасалбар хүчингүй болно. Код нэг л удаа уншигдах тул нууцлалыг хангах нь тасалбар эзэмшигчийн хариуцлага. QR код давхацсан эсвэл хуурамч байвал; нэвтрүүлэхгүй, тасалбарыг буцаахгүй, нөхөн төлбөр олгохгүй болно.
4. Нэвтрэхдээ иргэний үнэмлэхээ үзүүлж, тасалбар дээрх QR кодыг уншуулж, бугуйвч зүүж орно. Нэг тасалбарт нэг бугуйвч олгогдох ба наадмын турш бугуйвчийг зүүж хэрэглэх үүрэгтэй. Наадмын бугуйвчийг дамжуулан хэрэглэхийг хориглоно. Хаяж үрэгдүүлсэн, тасарсан наадмын бугуйвчийг нөхөн олгохгүй. Наадмын талбайд нэвтрэх болон гарах бүрт бугуйвчийг уншуулж шалгуулна.
5. Насны ангилал байхгүй. 16 наснаас доош оролцогч заавал харгалзах хүнтэй нэвтэрнэ. Харгалзах хүнтэй 12 ба түүнээс доош насны хүүхэд үнэ төлбөргүй нэвтэрнэ. Нохой, муур зэрэг тэжээвэр амьтадыг наадмын талбай руу нэвтрүүлэхгүй болно. Наадмын талбай руу аюулгүй байдлын үүднээс хоол, ус, ундаа болон согтууруулах ундаа болон бусад хориотой эд зүйлсийг гаднаас оруулахгүй. Тасалбар эзэмшигч нь цүнх баглаа, хувийн эд зүйлсээ шалгуулж орох үүрэгтэй.
6. Нэвтрэлтийн хэсэгт бүх оролцогчид шалган нэвтрүүлэлтийн хэсэгт шалгуулах үүрэгтэй. Зохион байгуулагч нь шаардлагыг биелүүлээгүй болон наадмын дүрэм журам зөрчсөн оролцогчийг наадмын талбай руу нэвтрүүлэхгүй байх болон наадмын талбайгаас чөлөөлөх, дахин оруулахаас татгалзах бүрэн эрхтэй. Хураалгуулсан хориотой эд зүйлсийн өмнө зохион байгуулагч хариуцлага хүлээхгүй.
7. Наадмын үеэр мэргэжлийн хувийн хамгаалалтын алба, эрүүл мэндийн анхан шатны тусламж үзүүлэх мэргэжлийн эмч болон цагдаагийн ажилтнууд ажиллах болно. Зохион байгуулах, хэв журам сахиулах, хувийн хамгаалалтын албаны ажилтнуудын тавьсан шаардлагыг биелүүлээгүй оролцогчийг наадмын талбайгаас чөлөөлнө
8. Бусдын биед санаатайгаар халдсан, халдахаар завдсан, наадмын үзэгчдийн амгалан тайван байдлыг алдагдуулсан, согтууруулах ундаа хэтрүүлэн хэрэглэсэн, наадмын журмыг зөрчсөн тохиолдолд наадмын талбайгаас албадан гаргах болно. Нэвтрүүлэх эрхийг зөвхөн наадмын зохион байгуулагчид эдлэх бөгөөд наадмын талбайгаас чөлөөлөгдөн гарч, тасалбараа хураалгасан тохиолдолд эргэн нэвтрэхгүй мөн тасалбарын нөхөн төлбөр олгохгүй.
9. Наадмын үеэр наадмын зохион байгуулагчдын албан ёсны creative багийн баримтжуулсан гэрэл зураг, видео дүрсэнд наадамд оролцогчдын нүүр царай орсон бол түүнийг маркетинг сурталчилгааны хүрээнд ашиглахад оролцогч хориг тавих болон бусад эрх үйлчилэхгүй. Зөвхөн 16 наснаас доош насны хүүхдийн царай танигдахуйц байгаа тохиолдолд наадмын зохион байгуулагчид сурталчилгаанд ашиглахдаа эцэг эх асран хамгаалагчдаас нь зөвшөөрөл авах үүрэгтэй.
10. Тасалбар эзэмшигч наадмын талбай руу нэвтрэх тохиолдолд наадмын журмыг мөрдөх үүрэгтэй.
11. Наадам болох өдөр, оролцох хамтлаг, дуучид, хөтөлбөр нь өөрчлөгдөх боломжтой.